الجزء التاسع..عريس مكتمل الانوثة..للكاتبة..حنان حسن

عريس..مكتمل الانوثة الجزء التاسع للكاتبة..حنان حسن بعدما عرفت من اخواتي .. ان نتيجة تحليل ... الحمض النووي  ظهرت ..واثبتت  ان عم...

عريس..مكتمل الانوثة

الجزء التاسع

للكاتبة..حنان حسن

بعدما عرفت من اخواتي ..

ان نتيجة تحليل ...

الحمض النووي

 ظهرت ..واثبتت

 ان عمر ابني مات بالفعل

في اللحظة دي

بقيت مش قادرة استوعب الي بسمعة

 ووقفت ابصلهم وانا مزهولة

و بسال نفسي

لو فعلا زي ما بيقولوا 

عمر ابني مات؟

امال مين الي الولد الي معايا جوه

 بقالة اكتر من اسبوع ؟

واثناء ما كنت واقفة متنحة

وببصلهم

لقيت اختي نيرة 

بتقولي..

ادخلي حبيبتي لمي هدومك...

 وتعالي اقعدي معايا  يومين 

قلت..

لا معلش انا مش هقدر اسيب بيتي

فا رد اشرف 

وقالي..

مهو برضوا مش هينفع 

تقعدي لوحدك

 في الظروف دي يا هدير

فا رديت بعصبية

وقلت..

قلتلكم... مش عايزة اروح اي  مكان  ...

ولا هقعد عند حد...

ولا  هسيب بيتي

وبصراحة اكتر 

انا حابة ابقي لوحدي

فا لو سمحتم سيبوني  لوحدي

فا بصولي الاتنين بشفقة

وبدون ما يتكلموا

سابوني وخرجوا من الشقة

وبعدما اخواتي مشيوا

 دخلت بسرعة علي اوضة عمر

ووقفت ادامة ابصلة

وانا بفكر

 في  حاجة ...

ممكن تخليني

 اتاكد ان كان ده ابني فعل

او...لا ؟

والحاجة دي...

 كانت (الوحمة)

ايوه لازم اتاكد ...

ان كان عمر الي معايا ده في رجلة وحمة ولا لا؟

وبسرعة طلعت بنطلون

 من دولاب عمر

وطلبت منه انة يغير بنطلونة

ووقفت اتابع ...وابص عليه

 وهو بيقلع البنطالون

وبمجرد ما قلع

 البنطالون..

شوفت الوحمة الي في رجل ابني

 وكانت موجودة فعلا

فا فرحت اوي واخدتة في حضني

وانا بحمد ربنا

لكن كنت لسة محتارة...

وبسال نفسي

واقول...

امال ازاي نيرة اختي 

قالتلي...

 ان نتيجة  الحمض النووي ظهرت ؟

واثبتت ان الجثة الي في المشرحة كانت لعمر؟

تكونش نيرة فهمت غلط؟

بس  فهمت غلط ازاي؟

دي بتقول ...

انها...

 شافت هدوم عمر مع الجثة؟ 

يبقي نيرة فهمت غلط ازاي؟

لا لا لا..اكيد في سؤ فهم

 حصل

 خلاها تفهم غلط

او يمكن نيرة

 عايزاني اتاكد...

 ان ابني مات 

عشان...

معلقش نفسي بحبال الوهم الدايبة

عشان كدة

انا لازم اناكد بنفسي

وفي اللخظة دي؟

قررت اني اتصل بالضابط ...

واناكد منه...

ان كانت نتيجة الحمض النووي ظهرت ولا لسة؟

وبسرعة جيبت الموبيل

واتصلت علي حضرة الضابط

وقولتلة..

صباح الخير يا فندم

فا رد الضابط 

وقالي...

صباح النور

قلت..معلش كنت عايزة استفسر عن حاجة؟

قال..

اتفضلي

قلت...

نيرة ...واشرف اخواتي ..

كانوا هنا من شوية

 وقالولي..

انهم سمعوا...

 ان نتيجة الحمض النووي بتاعة الجثة المجهولة ظهرت...

فا كنت عايزة اتاكد 

من حضرتك 

ان كان الكلام ده حقيقي يعني ولا مش حقيقي؟

فا سكت الضابط شوية

وبعدين 

قالي...

ايوه فعلا النتيجة ظهرت

قلت...والنتيجة اكدت ايه؟

رد الضابط باسف

وقالي...

للاسف يا مدام هدير 

النتيجة طلعت ايجابية

 يعني الجثة طلعت لعمر ابنك فعلا

في اللحظة دي

فضلت ماسكة الموبيل وبقيت بسمع ومش بتكلم

لان الاجابة كانت صادمة

وفضلت علي الحال ده

لغايةما انتهت مكالمتي مع حضرة الضابط

وبعدها..

رجعت ابص لعمر الي قاعد ادامي 

واسال نفسي تاني

واقول..

هو ايه الي بيحصل بالظبط؟

ازاي عمر الي ادامي ...يرجع 

 بهدوم

 مش هدومة؟

 وفي نفس الوقت ...

يلاقوا هدوم عمر ابني

 الي كان  لابسها قبل ما يخرج مع اصحابة 

مع الجثة المجهولة ؟

وازاي تحليل الحمض النووي

 يثبت 

ان الجثة لعمر فعلا؟

معني كده ان الولد الي ادامي مش عمر ابني؟

بس ازاي ده مش عمر؟

ده نفس الشكل ...

ونفس السن.... ونفس الحجم.. والوزن... والطول

ده حتي الوحمة 

موجودة في مكانها في فخذة

يعني هيكون مين الي ادامي ده؟

عفريت عمر مثلا؟

وفضلت تتردد في وداني كلمة عفريت

وفي اللحظة دي

افتكرت اني سمعت صوت عمر قبل ما اقوم وافتحلة

ايوه...انا سمعت صوت ابني وهو بيقولي.. 

قومي يا ماما افتحيلي

 سمعتة اكتر من مرة كمان

يبقي ازاي عمر الي ادامي مش بيتكلم؟

لا في حاجة غريبة 

وانا كده بدات اشك فعلا في الامر

وخصوصا..

ان الشخص الي بعتلي الرسالة مع عمر 

طلب مني في الرسالة

 اني معرفش حد برجوع عمر

يعني في شيئ مش طبيعي بيحصل

وفضلت الافكار والظنون تروح بيا وتيجي

ولقيتني بقول لنفسي

معقولة يكون الي قاعد ادامي ده

مش بني ادم 

(عفريت ابني) مثلا؟

لا عفريت ايه؟

 وكلام فارغ ايه؟

ده لو مطلعش ابني 

فا اكيد..

ده ولد ...فيه شبة كبير من عمر ابني؟

بس ازاي الشبة يكون للدرجة دي؟

وازاي احساسي يخوني؟

وسالت نفسي

وانا ببص لعمر الي قاعد ادامي

وقولت..طيب والحل؟

ايه العمل دلوقتي؟

وبعد فترة من التفكير

لقيتني فشلت 

اني اوصل لتحليل منطقي

 للي انا فيه

ولما حسيت بان عقلي هنج  وتفكيري اتشل

فا اتصلت علي نيرة اختي

الي معروف عنها رجاحة الفكر

عشان تيجي

واعرض عليها المشكلة 

علي انها مشكلة واحدة  اعرفها

عشان نيرة تفكر معايا علي الاقل

واشوف رايها ايه؟

المهم..

بعدما اتصلت بنيرة...

 ونزلتلي...

طلعت قعدت معاها بره في الصالون..

بعدما ما قفلت علي عمر بالترباس

وحاولت افتح معاها حوار عابر في الاول

فا بدات الكلام..

وقلت..

تصدقي يا نيرة..

مشكلة عمر ابني دي

 خلتني عرفت 

ان في حاجات في منتهي البشاعة الي  في الدنيا 

ردت نيرة باسف

وقالتلي..

فعلا حبيبتي

 احنا متعودناش اننا نشوف ونسمع 

عن البلاوي الي بتحصل دي

قلت..

تقصدي جرائم التحرش...

 وحالات الاغتصاب؟

ردت نيرة

وقالتلي..لا يا هدير

الموضوع دلوقتي مبقاش بالغصب

لان الولاد بقوا يعملوا ده

 بمزاجهم...

 ويمكن كمان هما الي بيسعوا له

فا بصتلها بدهشة

وقلت..بيسعولة ازاي؟

ردت نيرة

وقالتلي..

للاسف الشذوذ الجنسي دلوقتي

 بقي منتشر بين الشباب... والاطفال... والبنات كمان

وللاسف

 في دول كتير 

 بتسعي بكل طاقتها... واموالها

 لانتشارالظاهرة دي

 وفي ناس مرضي 

بيبذلوا جهد كبير ..

وبينفقوا اموال طائلة

 عشان... ينشروا (الش..ذو..ذ) بين الشباب

 تحت مسمي (المثلية)

قلت..وليه ده كلة؟

قالت..

عشان يبقوا اغلبية 

ويطالبوا بحقوقهم في الجواز من بعض

 ويبقي وجودهم بينا تحصيل حاصل

(والبقية تاتي)

وسالتها..

قلت..

يعني ايه يطالبوا بحقوقهم في الجواز من بعض؟

قالت..

يعني...

 راجل ...ذكر يتجوز راجل ذكر زية

 وانثي تتجوز... انثي زيها 

يعني يخالفوا الفطرة والطبيعة

 البشرية 

الي ربنا خلقنا عليها

وابتسمت نيرة بسخرية

وقالتلي..

دنا سمعت عن حاجة اسمها  مخطط للمليار الذهبي

قلت..

ايه المليار الذهبي ده كمان؟

قالت..ده مخطط من ناس ك..فرة

عايزين يخفضوا اعداد الناس في العالم لميار فقط

والشذوذ الجنسي... والحروب... والامراض الفيروسية

 المخلقة 

(المصنعة بايد البشر)

 هي الوسائل الي بيستخدموها لتنفيذ المخطط ده

قلت..وايه علاقة الشذوذ الجنسي

بتخفيض اعداد الناس في العالم

قالت..

..مهو لما الرجالة يتجوزا رجالة

زيهم

 والستات تتجوز ستات  زيها محدش منهم هيخلف

ومش هيبقي فيه نسل

واسترسلت نيرة

في كلامها

وقالتلي..

هما بيحاولوا ينشروا افكارهم

 ويطبعوا وجودهم في العالم كله

وخصوصا الدول  الاسلامية والعربية..

لانهم عارفين ان اللواط

 (الش...ذو..ذ) 

ملعون في جميع الاديان ...

والكتب السماوية 

وتحديدا في الاسلام

بدليل انه مذكور في القران

وسالتها

قلت.. يعني الشذوذ هو نفسة اللواط ؟

قالت..

ايوه طبعا

انتي فاكرة  قصة اهل لوط ؟

الي كانوا بيمارسوا الرزيلة مع الرجال الي زيهم

وبيعاشروهم من الدبر

( من المنطقة الخلفية)

فا عاقبهم الله بانه اهلك قريتهم باكملها وخسف بيهم الارض

الكلام ده بيتكرر دلوقتي

واهل لوط عايزين يعيدوا الكرة من جديد

عشان ربنا يرسل غضبة علي الكرة الارضية كلها المرة دي

قلت..الي انتي بتقولية ده شيئ مخيف

فا ردت عليا نيرة

  وهي بتبتسم و بتحاول تخفف عني الي انا فيه

وقالت مازحة

ايه يا بنتي..

انا حاسة اني بكلم واحده من اهل الكهف

وسالتني نيرة

وقالتلي

 انتي مش عايشة في الدنيا ولا ايه؟

قلت...لا مكنتش عايشة

 ولا اعرف ان الدنيا بقت بالبشاعة دي

انا كنت عايشة يومي زي اي ست بيت عادية

اصحي الصبح

واجهز الفطار لابني 

واسيبة في اوضتة مع الموبيل والنت

وبعدها انشغل بتنظيف البيت 

و اعمل الغداء ...

وبعدها  اجهز العشاء 

عشان املي بطن ابني

بدون ما اراقبة

واشوف... بيعمل ايه؟

 ولا بيكلم مين؟

 ولا بيتعرف علي ايه جديد؟

وبصيت لنيرة والدموع في عنيا

وقلت باسف

انا بعترف اني كنت غبية

فا سالتني نيرة بشفقة

وقالتلي..ليه بتقولي كده حبيبتي

قلت...انا كان كل همي اني اجهز لعمر  اكلة

و المفروض زي ما كنت  بهتم اني احشي معدة ابني

كنت اهتم اني املي دماغة بمعلومات عن دينة

واعرفة ايه الحرام ؟

 وايه الحلال؟

ايه الغلط ؟وايه الصح؟

بس انا للاسف ..

كنت فاهمة ان التربية هي اكل وشرب ولبس هدوم نضيفة

مكنتش اعرف ان العقل والفكر كمان 

لازمهم غذي وتنضيف  

كان لازم اقرب انا من ابني

واصاحبة...

 وافهمة الي هو  مش فاهمة

كان لازم احصنة 

ضد الافكار المسمومة

كان لازم يتوجه مني انا

ويفهم مني انا

 بدل ما يجي حد غيري...

 ويملي عقلة

 بافكار غلط ويدمر حياتة

وحياة عيلة كاملة

زي ما حصلنا دلوقتي

وبعدما خلصت كلامي وتانيبي لنفسي

وفي وسط الكلام

قلت اسال نيرة

عن السؤال الي كنت عايزاها عشانة

فقلت..

تصدقي يا نيرة

 اني قابلت واحدة ست 

ابنها... كان مع الولاد 

الي ماتوا في المركب

وصعبت عليا اوي

فا ردت نيرة

وقالتلي..

مسكينة فعلا 

ربنا يصبرها علي فراق ابنها

قلت...لا دي مشكلتها اكبر من كده

فسالتني نيرة بتعجب

وقالت..

في مشكلة اكبر من موت ابنها؟

قلت ايوه..

اصلها قالتلي حاجة غريبة اوي

فسالتني نيرة

وقالت..قالتلك ايه؟

قلت..

قالتلي..انها بعدما شافت جثة ابنها 

واتاكدت من موتة 

بنتيجة الحمض النووي

اتفاجئت بعدها ...

بان ابنها راجعلها ..لكن مش بيتكلم

(فاقد النطق) وللاسف دلوقتي

هي مش عارفة  ان كانت تصدق نتيجة الخمض النووي والجثة الي شافتها

ولا تصدق ابنها الي معاها دلوقتي

فا ردت نيرة

وقالتلي..

يمكن الولد الي ظهرلها ده  شبة ابنها مش اكتر

قلت..لا 

هي بتقول..

ان في علامات

 في جسم الولد الي رجع 

كانت موجودة في جسم ابنها فعلا

فا ردت نيرة

وقالتلي...

غريبة فعلا الحكاية دي

وسالتني نيرة تاني

وقالتلي

انتي متاكدة 

ان نتيجة التحليل  الحمض النووي 

الي عملوا للجثة 

اكدت انها جثة  ابنها فعلا؟

قلت...ايوه

فا ردت نيرة

وقالت..

خلاص يبقي الحل الوحيد

انها تعمل للولد الي معاها دلوقتي

 تحليل...

 دي.. ان..  اية(حمض نووي)

وكملت نيرة اقتراحها باسف

وقالت.

.بس الست المسكينة دي

 لازم وهي  بتعملة تحليل الحمض النووي

 لازم كمان تعمل لابنها  تحليل (ايدز)

في اللخظة دي

افتكرت موضوع الايدز

وبطني وجعتني

وقلت لنفسي...

يظهر ان فرحتي برجوع ابني

 نستني مصيبة الايدز كمان

ودلوقتي...

 لو تحليل الحمض النووي 

اثبت ان  الي جوه ده

 يبقي ابني

هقاابل صدمة تانية 

وهي...

 ان الولد ممكن جدا يكون مصاب بالايدز

وده معناه انه لو طلع ابني 

 فا هفقدة  برضوا

وقمت من ادام نيرة

وانا قي دوامة 

والدنيا بتلف بيا اكتر من الاول

وبعدما ما نيرة مشيت

اخدت عينة من شعر عمر... ولعابة (ريقة)

 

 وروحت عملتلة تحليل حمض نووي..

وقولت اخلص

 من حاجة ...حاجة الاول...

وقررت اني ...

انتظر لغاية ما نتيجة الحمض النووي تظهر

 واتاكد الاول

ان كان الولد ابني الاول او لا؟

ولو طلع ابني

 ابقي اعمل تحليل الايدز

المهم...

فضلت منتظرة نتيجة التحليل

وانا علي اعصابي

وبعد مرور اكتر من اسبوعين 

كنت بعاني فيهم

من القلق التوتر 

وفي نفس الوقت..

كنت براقب عمر بدقة اكتر

والغريبة 

اني كنت بلاحظ عليه 

انه صاحي معظم الوقت تقريبا

ده بخلاف صمتة الدائم

وكمان كان.. بيصدر صوت انين غريب

كان بيرعبني

اااه..

نسيت اقولكم

اني كنت في الفترة دي

بتجنب الحديث مع كريم جوزي خالص

وكنت ماجلة كل حاجة في حياتي

 لبعد نتيجة التحليل

حتي اخواتي مكنتش بقعد معاهم الا نادر

ومقلتش لاي حد 

اي حاجة

 عن عمر الي معايا جوه

وفضلت علي كدة

 لغاية ما جه اليوم...

الي روحت استلم فيه نتيجة التحليل

 ومش هتصدقوا نتيجة 

 التحاليل كشفت عن  اية.....؟

لو عايز باقي احداث الرواية..

خد ثواب معايا

وصلي علي رسول الله

وطبعا مش هننسي نضع عشر ملصقات مع متابعة صفحتي الشخصية

مع تحياتي

الكاتبة

حنان حسن