جواز علي يد مجنون الجزء الثامن للكاتبة..حنان حسن بعدما اخدني العفريت نمرود لغاية الاسطبل الي جنب الكوخ وشارولي بايدة علي شوال...
جواز علي يد مجنون
الجزء الثامن
للكاتبة..حنان حسن
بعدما اخدني العفريت نمرود
لغاية الاسطبل
الي جنب الكوخ
وشارولي بايدة
علي شوال في ركن... من اركان الاسطبل
وقالي...
ان الشيئ الي في الشوال
ده
هو الي هيثبتلي
ان كان عفريت او لا؟
وبعدما العفريت تركني ...واختفي
اقتربت من الشوال ...وفتحتة
عشان اتفاجئ
في الشوال
بشيئ عمري ما كنت اتوقعة
اصل الي كان في الشوال
هي... مراة ابويا
وبصراحة اول ما شوفتها
اتفزعت
لاكتر من سبب
اولا..
لاني عمري ما كنت اتخيل
اني اشوف مراة ابويا هنا
في المكان ده
وثانيا..
لاني اتاكدت فعلا
ان نمرود عفريت
بحق... وحقيقي
لانة قدر يجيب مراة ابويا هنا في غمضة عين
وثالثا...
وده الاهم..
وهو... اني تذكرت
ان مراة ابويا...
هي السبب في وجودي هنا
لانها اتفقت مع العفريت عليا
ولقتني ببصلها بغيظ
وكنت عايزة اقفل عليها الشوال تاني
لكن... لقيتها بتنطق اسمي وهي مرعوبة
وبتقولي...ساجدة؟
هو انتي الي دخلتيني في الشوال ..
وجيبتيني هنا ؟
فا رديت عليها بغضب
وقلت..
مش انا الي جيبتك هنا
يا مراة ابويا
دي اعمالك السودة
فا ردت مراة ابويا بانكسار
وقالتلي..
وهي بتحاول تحرر نفسها من الشوال
اخص عليكي يا ساجدة
بقي انا اعمالي سودة ؟
ربنا يسامحك يا بنتي
وبعد ما خرجت من الشوال
فضلت تبص حواليها يمين وشمال
وسالتني..
وقالتلي..
ايه المكان ده؟
احنا فين هنا؟
فابصيتلها بغيظ
وسالتها
وقلت..
فهميني الاول
انتي جيتي هنا ازاي؟
فا ردت مراة ابويا
وقالتلي
والنبي يا ساجدة ما اعرف
انا نمت... وصحيت لقيت
نفسي هنا
فا ابتسمت
وقلتلها...اهلاااااا
فسالتني مراة ابويا تاني
وقالتلي..
مش هتقوليلي بقي يا بت يا ساجدة
احنا فين هنا؟
فا رديت عليها بسخرية
وقلت..احنا تقريبا في الجنة
فا خرجت مراة ابويا بره الاسطبل
وشافت المكان الي فيه الكوخ
ولقيتها ابتسمت
وقالتلي
والنبي باين كلامك صح يا بت
يا ساجدة
الطبيعة هنا روعة والمناظر خلابة
قلت..
امال بقي لو شوفتي الناس هنا هتقولي اية؟
فا فضلت تتامل في المكان
وتقولي
المكان هنا
بيفكرني بالواحة
قلتلها.. ايوه فعلا
ده في واحة اسمها واحة( ظالم)
كان نفسي تزوريها
فا ردت مراة ابويا
وقالتلي..يا باي عليكي يا ساجدة ...
هو انتي يعني شايفاني غاوية الفسح اوي؟
رجعيني الله يخليكي مطرح ما جبتيني بسرعة
احسن مش فاضية
ولا اقولك..
طلعيني علي اول الشارع
وانا هشبط في اي ميكروباص
فسالتها بغيظ
وقلت..
ومستعجلة علي اية يا
مراة ابويا؟
فا ردت مراة ابويا ببجاحة
وقالتلي
اصلي سايبة الرجالة بتوعي ولسة
مقبضتهمش بعد اخر عملية
ولو اتاخرت عليهم هيفتكروني نصبت عليهم
واخدت عرقهم وكتيت
فسالتها
وقلت..
هو انتوا ازاي
لسة شغالين الشغلانة اياها
من غيري؟
فا ردت مراة ابويا
وقالتلي..
لا مهو بعد ما انتي مشيتي انا جيبت كام بنت تانين
وفي اللخظة دي
اقتربت منها
وقلت..
تقصدي من ساعة ما اتفقتي مع العفريت عليا
وخلتية يجيبني هنا يا مجرمة
فا بصتلي مراة ابويا وهي متوترة
وقالتلي..انتي بتتكلمي عن ايه؟
يا بت يا ساجدة
انا مش فاهمة حاجة؟
قلت..مش فاهمة؟
تمام
انا هنشطلك الذاكرة
انتي اتفقتي مع ناس مجرمين عليا
وسلمتيني ليهم
وانتي عارفة
ان في واحد كان ناوي يغتصبني
ويصورني كمان...
و لما انا دافعت عن نفسي... وقتلتة
اتفقتي عليا تاني
مع الواد الي كان مسمي نفسة العفريت
والعفريت خلصك مني
وجابني هنا
فا ردت عليا مراة ابويا
وحاولت تدافع عن نفسها
وقالتلي...لا..لا يا ساجدة
انتي ظالماني يا بنتي
قلت..بطلي كدب بقي
لاني لقيت تليفون العفريت
وعرفت من تواريخ المكالمات القديمة
الي كانت علي الموبيل
انك تعرفية من زمان الزمان
ولما فهمت مراة ابويا
اني متاكدة
من خيانتها ...وغدرها بيا
فا شغلت اسطوانة الصعبنيات
وفضلت تعيط
وتقولي...
ايوه يا ساجدة يا بنتي
انا غلطت ...واتفقت معاه
عليكي..
بس كان غصب عني
اصلة كان مجرم زي منتي فاهمة
وهددني انه هيقتلني لو متعاونتش معاه
لكن .
انا دلوقتي ندمت
و عرفت اني مكنش لازم اوافق حتي لو قتلني...
وبرجوكي تسامحيني
وتقدري اني ست كبيرة ووحدانية وضعيفة
و المرض حاطط عليا
ايوه يا ساجدة
انا بعاني من كل امراض الدنيا
يعني ربنا اخدلك حقك مني وزيادة
وقربت مراة ابويا مني وباست علي راسي
وقالتلي..ارجوكي سامحيني يا ساجدة
فا بصتلها ولقيتها مذلولة
وبصراحة حسيت انها صعبت عليا
فا قلتلها ..
اذا كان ربنا بيسامح
يبقي ازاي العبد مش هيسامح
روحي ربنا يسامحك
فا جذبتني مراة ابويا لحضنها
وقالتلي...شاللة يخليكي يا طيبة يا ام قلب ابيض
فا وقفتها..
وقلتلها..استني انا صحيح
انا سامحتك وهنسي الي فات
لكن في حد تاني مش سهل انه يسامحني انا وانتي
قالت .. مين الحد ده؟
قلت..نمرود القتيل
قالت ..مالة؟
قلت..عفريتة طلعلي وعايز ينتقم مننا
فا بصتلي مراة ابويا بدهشة
وقالتلي..سلامتك يا ساجدة
انتي عقلك تعبان ولا اية
عفريت اية الي طلعلك
قلت..عفريت نمرود يا مراة ابويا
...وخدي المعلومة دي كمان
عفريت نمرود هو الي حطك في الشوال وجابك هنا
فا بصتلي بتعجب
وقالتلي..ايه التخاريف دي
انا مش فاهمة حاجة
ولقيتها بتعاملني علي اني اني مجنونة
واخدتني علي اد عقلي
وقالتلي...اه مصدقاكي طبعا
انك شوفتي عفريت نمرود
شوفيلي بقي طريقة...
او مواصلة
اخرج بيها من المكان ده
ولما لقيتها عايزاني اساعدها واخرجها من هنا...
طلبت منها تقعد وتهدي
لغاية ما شرحلها قصة المكان ده
واعرفها هي فين بالظبط
وبعدما شرحتلها ...وحكتلها علي الي حصلي
من اول ما جابني العفريت
هنا...
لغاية ما لقيتها في الشوال
لقيتها سرحت شوية
وبعدين ضربت علي صدرها
وقالتلي..يلهوي يا ساجدة
لو الكلام الي انتي بتقولية ده حقيقي
والمكان هنا مش ع الخريطة
يبقي احنا كده ضيعنا
قلت..متخافيش طول ما معانا حلم
مش هنضيع ان شاء الله
فا بصتلي مراة ابويا بخبث
وسالتني
وقالتلي. ..
انتي قولتلي الواد الي اسمة حلم ده غني
وابوه هو الملك هنا صح؟
قلت..ايوه
فا قالتلي
طيب ما تحاولي تثبتي الواد ده
واضحكي علية
لغاية ما توقعية وتتجوزية
وساعتها هتطلعيلك ببيت ملك ولا يكتبلك حتة ارض
فا بصتلها بغيظ
وقلتلها..
انتي مفيش فايدة في طريقة تفكيرك
مش هتتغيري ابدا
وبعدين هو انا مش حكيتلك القصة كلها من الاول
وفهمتك...اني اتجوزت اخوات حلم الاتنين
يعني انا مجوزش لة شرعا ..
ولا عرفا
ولا انفعلة خالص
فا مسكت مراة ابويا دقنها
وهي بتفكر
وقالتلي..ايوه صحيح...دا لا يجوز شرعا ولا عرفا
ولا اي حاجة
وسالتني تاني
وقالتلي..طيب طالما كده بقي
ما احنا لازم نتصرف ونخرج من المكان ده
طالما مش هنقدرنطلع بمصلحة
قلت..ايدي علي كتفك
فكري وانا معاكي
ولو عايزة ناخدها مشي في الصحراء
الي ادامك دي ...
ونتصلق الجبال
عشان نرجع مطرح ما جينا
انا معنديش مشاكل
فا فضلت تعيط
وتنعي حالها
وتقولي...وانا برضوا صحتي تتحمل تسلق الجبال
وفضلت تولول...
وتقول..
بقي ياربي بعدما كبرت
وجالي هشاشة عظام..
بدل ما اقعد اتعالج في اواخر ايامي
اسافر في الصحاري و اتتسلق الجبال كمان
فا بصتلها بشفقة
وسالتها
وقلت..هو انتي جالك هشاشة عظام يا مراة ابويا؟
قالت...اه ...
هشاشة ...ولمباجوا
كمان
قلت..ينهار ازرق
ولمباجوا كمان؟
فا ردت مراة ابويا
وقالتلي..
حكم السن بقي يا ساجدة
عشان كده
انا متعشمة فيكي
طول ما احنا هنا
عايزاكي تاخدي بالك مني
قلت..بس كده ؟
دنتي في عنيا يا مراة ابويا
وكنت عايزة اسالها عن حاجات كتير لكن....
فجاءة
سمعنا حركة بره الاسطبل
وشوية..
ولقيت حلم واقف ادامنا
وهو عاري الصدر
ومش لابس غير البنطلون فقط
واتفاجئت
انة بيوجه سلاحة ليا انا ...ومراة ابويا
ولما شافني قاعدة وجنبي
واحدة ست غريبة
اول مره يشوفها
سالني
وقالي...مين الست دي يا ساجدة؟
قلتلة..دي مراة ابويا
فا بصلها باستغراب
وسالني
وقالي..وازاي مراة ابوكي
وصلت لغاية هنا ؟
فا بصتلها
وقلتلها..جاوبي
فا لقيتها متنحة لحلم
واول ما شافتة
نطت من مكانها ...وقربت منه
وهي عمالة تتامل عضلاتة
وبعدين لقيتها بترقق صوتها
وبتقولة...
انا معرفش جيت هنا ازاي
يا اسمك اية
بس تصدق باية؟
انا دلوقتي مبسوطة
اني جيت هنا
فا استغربت من السهوكة والنشاط ..المفاجئ
الي طراء علي مراة ابويا
مره واحدة
وقمت بسرعة شرح لحلم
واضحلة
هي جت هنا ازاي
وقلتلة..
هي حصلها نفس الي حصلي بالظبط
نامت وصحيت..
ولقت نفسها هنا
فا وقف حلم يبصلنا احنا الاتنين باستغراب
وبعدين لقيتة ابتسم
ومد ايده عشان يسلم عليها
وقالها...
عموما اهلا بيكي نورتي
وكويس انك جيتي
عشان تونسي ساجدة ..
اصلها بتخاف تنام لوحدها
وكمان عشان تقعدي معاها لما اخرج للصيد
فا ضحكت مراة ابويا
ضحكة رقيعة
وقالتلة...
لا شوف حد غيري يقعد مع ساجدة ويونسها
اصلي انا كمان
بعشق هواية الصيد موت
وكل ما هتروح تصطاد
هروح معاك
وفي اللحظة دي
بصيت لمراة ابويا
وسالتها..
وقلت..وبالنسبة لهشاشة العظام؟... والكساح
الي كنتي بتشتكي منهم من شوية؟
خلاص خفيتي منهم؟
فا ردت مراة ابويا وهي بتزغدني في جنبي
وقالنلي..
هشاشة ايه يا بت
انا زي القرد
واصبي منك
فا همست في ودانها
وقلت..
واية روح هيفاء وهبي
الي خرجت فجاءة ..
من جواكي دي؟
انتي عينك زاغت ع الراجل
ولا ايه؟
وقبل ما مراة ابويا ترد عليا
سمعت حلم
وهو بيرحب بيها تاني
وبيقولها...ومالة لما تيجي معايا وانا بصطاد
ياريت دا انتي هتسليني يا...
وسالها..
وقالها..تحبي اناديلك باية
فا ردت مراة ابويا بدلع
وقالتلة..
اصحابي المقربين كلهم بيقوليلي يا سوستة
قال..نعم؟
فا اتدخلت انا بسرعة
وقلتلة..لا انت سمعت غلط
هي قالت..سوسكا
فا ابتسم حلم
وقالها...
منورة يا سوسكا
اتفضلي بقي عشان افرجك ع الكوخ المتواضع بتاعنا
وفي اللحظة دي
حطت ايدها في ايده (وانجيتة)
وقالتلة..
طيب امسك ايدي واسندني احسن اقع
وسابوني مشيوا
ومشيت وراهم
وانا بتحسر علي نفسي
وبقول..يلهوي يامة..
الولية قافشة في ايد حلم
و كانها اول مره تشوف رجالة
المهم..
دخلنا كلنا الكوخ
وقرر حلم اننا نعيش كلنا مع بعض
لغاية ما يشوفلي حل
مع ظالم
ويرجعني لجوزي
زي ما كان بيقول
وبدات مراة ابويا او..(سوتة )
تاخد راحتها في المكان بسرعة
وتاخد علي
( حلم) بسرعة اكبر
والغريبة
انها كانت نسياني انا خالص
ومركزة مع حلم..بس
والاغرب
ان (حلم )كان منشكح اوي ..فاكك معاها ع الاخر
وواخد راحتة
وعلي طول كان بيتكلم ويضحك
برغم دلعها البالغ فيه
وضحكاتها الرقيعة
وكأنة كان حابب الموضوع
وطبعا انا كنت هفرقع من الغيظ
لكن مكنتش اقدر اعترض
وفضل الحال علي كده
لغاية ما فاض بيا الكيل
وفي ليلة
شوفت مراة ابويا وهي بتوصلة للسرير المعلق
ومش كده وبس
لا دي كمان فضلت تهزلة السرير
وهي بتتكلم معاه..
وكانها بتحكيلة حدوتة قبل النوم
وف الاخر
سمعتة بيغنيلها
فا قلت لا مبدهاش بقي
وخرجت من الكوخ وروحتلهم
وسالتة
وقلتلة..ممكن اتكلم معاك علي انفراد؟
فا بص حلم لمراة ابويا
وقالها..معلش سيبينا شوية يا سوسكا
ولما بقينا لوحدنا
بصيتلة
وقلتلة...
ايه يا عم كاظم الساهر انتة؟
سمعاك يعني بتغني ومبسوط اوي مع سوسكا يعني
فا رد بدون اهتمام
وقالي..
وفيها ايه غريب الحكاية دي؟
قلت...لا بقي فيها
المفروض انك راجل ليك مكانتك.. وهيبتك
ومينفعش واحد في مكانتك يصدر منة تصرفات مش محترمة
فا هز راسة
وقالي..انتي صح
ولو كنتي صبرتي شوية
كنتي هتسمعي خبر يرضيكي
ويطمنك
ان هيبتي مازالت محفوظة
فسالتة بسرعة
وقلت..ايه؟
هتطرد مراة ابويا؟
قال..لا طبعا..
انا نويت اتجوزها
قلت..انت بتهرج صح؟
قال..ومن امتي وانا بهرج معاكي؟
وبعدين واحد وقابل انسانة تجوزلة شرعا
وهيتجوزها.. فيها ايه دي؟
قلت..مفيهاش حاجة
بس انا بقي
برفض اعيش انا والست سوستة في مكان واحد
وعندي ارجع لظالم بنفسي ويقتلني
ولا اني اعيش معاها في مكان واحد
فارد حلم
وقالي..علي العموم اطمني
انا في كل الحالات
كنت هاخدها
عشان اعرفها علي ابويا ظالم ...وامي
واكتب كتابي عليها
عندهم هناك
وسالني ببرود
وقالي.. ايه مفيش مبروك؟
فا هزيت راسي
وقلت..مبروك
لكن بيني وبين نفسي
كنت بدعي عليهم هما الاتنين
واقول..في ستين داهية
انت وهي
يكش ياخدوها منك
ويشخرموها... زيهم
فا رد حلم
وقالي..متشكر علي شعورك الرقيق
اتفضلي بقي روحي نامي
عشان احنا كمان
لازم ننام
ونصحي بدري ونسافر
وفعلا..تاني يوم الصبح
وقف ادامي حلم
وهو ماسك ايد مراة ابويا...
وجايين عشان يودعوني
ولقيتة بيقولي...
متاكدة انك مش هتخافي وانتي لوحدك؟
فا بصيتلهم بغيظ
وقلت...لا مش هخاف
فا رد حلم
وقالي..عموما انا اول ما اوصل..
هبعتلك طيابة
مع اي راجل من رجالتي
لاني هتشغل في فرحي
ومش هقدر اجيبها بنفسي
وفي اللخظة دي
وكان نفسي ابص لحلم
عشان املي عنيا منه
قبل ما يمشي
لكن عنيا كانت مليانة دموع
وخوفت لا يشوفها
فا اكتفيت بهز راسي
وفعلا ..
ركب حلم الحصان
وركبت مراة ابويا وراه ...
وهي عمالة تزغرط
من شدة السعادة
ولما مراة ابويا لاحظت اني متدايقة
طلعت زجاجة العطر المقرف بتاعها
وعملت نفسها بتعطر حلم
وفضلت تلمس جسمة
عشان تغيظني اكتر
وفضلت تعمل الحركات المستفذة دي
لغاية ما حلم اخدها وبعد بالحصان بتاعة
وانا فضلت ابص عليهم
وانا بعيط
لغاية ما غابوا عن عنيا
ولما لقيت نفسي قاعدة لوحدي
اتخنقت ...
وقررت اني لازم امشي
من هنا باي طريقة
وفضلت افكر في اي وسيلة للهرب
وخطرت علي بالي فكرة صعبة شوية
لكن ...مكنش ادامي غيرها
وهي... اني انتظر الراجل الي هيبعتة حلم مع طيابة
واستعمل معاه كيد النساء
لغاية ما يعرفني طريق العودة لمكان ما جيت
وبعدما اهتديت للفكرة دي
قلت انام شوية
علي ما الراجل يجيب طيابة ويجي
وفعلا نمت... وروحت في النوم
وفجاءة
صحيت علي ايد بتصحيني
واتفاجئت ادامي بحلم
فا فرحت اول ما شوفتة
وافتكرتة غير راية عن الجواز ورجع
لكن ..لما سمعتة
وهو بيقولي ...
وحشتيني يا حبيبتي
عرفت ان الي معايا هو نمرود
فسالته
وقلتلة
غريبة ...انك اختفيت الفترة
الي فاتت دي كلها يعني؟
فا ابتسم نمرود
وقالي...ايوه
كان لازم اختفي
عشان ادي فرصة لحلم ومراة ابوكي انهم..
يقربوا من بعض
ويتجوزا
و اخلص من الاتنين
ونبقي انا وانتي لوحدنا هنا
يا حبيبي
فا بصيتلة بغيظ
وقلتلة..يعني انت كنت بتساعدها
انها تاخده مني؟
اقصد يعني ....
فا رد نمرود
وسالني
وقالي..
نفسي افهم؟
ايه الي عاجبك
في البني ادم السمج...
الي اسمة حلم ده؟
يا بنتي ده مينفعكيش
وقرب مني نمرود
وقالي..
انا بس الي بحبك يا ساجدة صدقيني
فا اتعصبت من كلامة
وسالتة
وقلتلة...
طيب ممكن اعرف
انت جاي لية دلوقتي؟
فا رد نمرود
وقالي..انتي ناسية
انك وعدتيني بالجواز؟
قلت...امتي الكلام ده؟
قال..لما طلبتي مني اثبتلك اني عفريت بجد؟
واظن انا اثبتلك
بصيت لنمرود بقرف
وكنت هقولة.....
لا طبعا الي بتقولة ده مستحيل
لكن...لما قربت مناخيري من نمرود
شميت العطر بتاع مراة ابويا
وساعتها رجعلي الشك تاني
ان يكون الي معايا دلوقتي
هو.. (حلم)
بس ازاي حلم عايز يتجوزني؟
وهو عارف اني متجوزة اخواتة الاتنين؟
وسالت نفسي
طيب هعرف ازاي ان كان ده (حلم) ولا نمرود؟
وكنت هسالة
واقولة...
انت حلم ولا انت نمرود العفريت؟
لكن ..
عشان كنت واثقة
انه مش هيصارحني
في كل الحالات
فا قولت اكتشف الحقيقة بنفسي
وافتكرت المثل الي بيقول..
الي حضر العفريت
هو الي يصرفة
وفي حالتي دي..
زي ما العفريت هو الي جابني هنا
يبقي عشان ارجع مطرح ما جيت
فا لازم العفريت هو الي يرجعني
وفكرت ... اني ا طلب من
الشخص الي ادامي
انه يرجعني مطرح ما جيت
ولو قدر يرجعني فعلا
في غمضة عين
هيبقي ده( نمرود العفريت)
ولو مقدرش... او مقبلش يرجعني
يبقي ده (حلم )وبيمثل عليا
وساعتها ...هقدر اواجهة..
واسالة
واقولة... ازاي عايز تتجوزني
وانا متجوزة
اخواتك الاتنين؟
وفعلا...
بصيتلة
وقولتلة...
اسمع يا نمرود...
انا موافقة علي الجواز بس بشرط
فسالني
وقالي...وايه الشرط؟
قلت...تثبتلي انك عفريت لاخر مرة
وترجعني مكان ما جيت
(وحالا)
وساعتها انا هعتبر نفسي زوحتك...و في عصمتك ...وتحت امرك
بس اول ما ارجع
للبيت الي اتربيت فيه
مع ابويا
وبمجرد ما سمعت رده...
مش هتتخيلوا اكتشفت اية...؟
لو عايز باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
عليه افصل الصلاة والسلام
ردحذفاللهم صل وسلم وبارك وانعم على سيدنا ومولانا محمد صلى الله عليه وسلم تسليما كثيرا
ردحذفاللهم صلِّ وسلم وبارك على سيدنا محمد وعلى آله وصحبه اجمعين
ردحذفاللهم صل وسلم وبارك على سيدنا محمد وعلى اله وصحبه اجمعين
ردحذفاللهم صل وسلم على نبينا محمد وعلى آله وصحبه أجمعين وسلم تسليما كثيرا
ردحذفاللهم صل وسلم وبارك على سيدنا محمد وعلى اله واصحابه اجمعين
ردحذفتم حلوة اوى
ردحذفاللهم صل وسلم وبارك على سيدنا محمد وعلى اله وصحبه وسلم تسليما كثيرا إلى يوم الدين
ردحذفاللهم صل وسلم وبارك على سيدنا محمد
ردحذفاللهم صلِّ وسلم وزد وبارك عليك ياحبيبي يارسول الله ♥
ردحذفعليه افضل الصلاة والسلام
ردحذفشيقة ومثيرة
ردحذفكملي يا حنون
ردحذف💕💕💕💕💕💕
ردحذف🤔🤔🤔🤔🤔🤔😂😂
ردحذفعليه أفضل الصلاة والسلام
ردحذفعليه افضل الصلاه والسلام
ردحذف