رغبة ملعونة الجزء الثامن للكاتبة..حنان حسن بعدما الطبيب جاب نتيجة تحليل ال...دي ان اية كنت بترقب النتيجة... الي هيقولها الطبيب...
الجزء الثامن
للكاتبة..حنان حسن
بعدما الطبيب جاب نتيجة تحليل
ال...دي ان اية
كنت بترقب النتيجة...
الي هيقولها الطبيب بفروغ الصبر
وكنت بقول لنفسي ...
معقولة يكون الجنين الي في بطني ابن حد فيهم ؟
وطبعا مكنتش لوحدي
الي منتظرة النتيحة
دا انا كان معايا خالتي... وبسنت
..وشهاب بية ....والباشمهندس..
وفضلنا علي في حالة القلق دي
لغاية ما الدكتور قراء التقرير
وقال... ملخص النتيجة
ومخلص النتيجة...
ان الجنين الي في بطني مش تبع حد من الاتنين
يعني الحمل لا طلع من الباشمهندس...
ولا طلع من شهاب بية
وفي اللحظة دي
صرخت بسنت
وقالت...
يبقي الحمل
كان من الراجل
الي كان بيحضنها ع السلم
وهي عريانة
وفضلت تهلل
وتقول...
انا كنت عارفة انها ساقطة وزبالة...
وعشان كدة
البت دي من النهاردة
ملهاش عيش بين الاشراف
الي زينا
يعني لازم تمشي من العمارة ودلوقتي
وقامت بسنت... وانقضت عليا ومسكتني من هدومى
وكانت عايزة تجرجرني بره شقة خالتي
وتطردني من العمار كلها
لكن..
في اللحظة دي
وقف قصادها شهاب بية
وبعدها عني بكل قوتة
وهو بيقولها..
انتي ممكن تطرديها من بيتك
ومن عيلتك
وتتنكري ليها زي ما عملتي انتي وخالتها قبل كده
لكن...
ملكيش الحق تطرديها من العمارة
وقبل ما شهاب بية يكمل كلامة
اتدخل الباشمهندس
واكد علي كلام شهاب بية
وقال..
ايوه فعلا كلامك صح يا شهاب بية
وبصرف النظر عن الحمل...
صابرين مازالت بتشتغل عندي
وانا بعتبرها مسؤالة مني
يعني محدش يقدر يطردها من العمارة
مهما كان مين
وشاورلي الباشمهندس بايدة لناحية باب شقتة
وقالي...
يلا اتفضلي علي شغلك يا صابرين
كفاية الوقت الي ضاع في كلام فاضي
فا ردت عليهم بسنت (بتحدي)
وقالت..
انتوا بتتحدوني ؟
ماشي
انا هطلب عمل اجتماع بسكان العمارة
وهقولهم علي كل حاجة
وهخليكم تسمعوا منهم
كلهم
انهم رافضين وجود واحدة ساقطة
معاهم في العمارة
وسابتنا بسنت ومشيت
ووقف شهاب بية يهديني
ويطيب خاطري
ويقولي..
متزعليش يا صابرين... ومتقلقيش من كلامها
بسنت مش هتقدر تعمل حاجة من الي قالت عليها
وفي اللحظة دي
بص الباشمهندس لشهاب بية
وقالة...
ولا تعمل..
احنا مش بيهمنا من تهديد حد
واخدني الباشمهندس ودخلني لشقتة
وبرغم دفاعة عني ادامهم
لكن...
كنت حاسة انه متدايق مني
ومش طايق يبص ناحيتي
وحتي كلامة معايا بقي قليل جدا
ده لو كلمني اصلا
وفضلت علي الحال ده طول اليوم
وفضلت اعيط علي بختي وفضيحتي ...
لغاية ما تعبت... ونمت
وفضلت نايمة لغاية...ماقلقت
علي صوت حركة في الاوضة
الي انا نايمة فيها في شقة الباشمهندس
ولما فتحت عيني
لقيت ادامي (عبد القادر)
فا صرخت فيه
وقلتلة...
انت اية الي جابك هنا؟
وازاي جالك وش تقابلني تاني؟
بعدما سبنتي مع شهاب بية... وهربت؟
وازاى.....مظهرتش لما اتهموني اني ست منحرفة؟
ولية مبرئتنيش... وقلتلهم الحقيقة الي انت عارفها؟
هو مش مفروض ان قادرة مكلفاك بحمايتي؟
ورجعت سالتة تاني
وقلت..
وبعدين ...ممكن اعرف ايه الي جايبك هنا دلوقتي؟
هو انت مش عارف
ان شهاب بية...
هيطين الدنيا لو شافك؟
وقبل ما اكمل اسالة؟
لقيت عبد القادر بيسكتني
وبيقولي..
اسكتي يا اصابرين واسمعيني..
انا جاي دلوقتي
عشان اقولك ..
.علي الحقيقة الي ملحقتش اقولهالك اخر مرة
قلت..خلاص انا مش عايزة اعرف حاجة
سيبني في حالي
وكفاية القهرة ...والفضايح الي حصلتلي
والي لسة هتحصلي
وفي اللحظة دي
رد عبد القادر باصرار
وقالي..اسمعيني بس يا صابرين
منتي لو عرفتي الي هقولهولك
هتقدري تحلي كل مشاكلك
وكمان مش هيبقي في فضايح ولا حاجة
فا بصيتلة بتعجب
وسالتة
وقلت..
انت بتتكلم جد؟
قال...ايوه
وجد الجد كمان
قلت..
طيب اتكلم بسرعة
قال...
انا قولتلك قبل كده
ان البيت هنا مسكون...
وانك بقيتي جزء من البيت عشان...
بقي في رحمك طفل من جنسهم
لكن مقولتلكيش هما مين
العفاريت دول ...
ولا لية اختاروكي انتي بالذات
عشان يعملوا معاكي كده ؟
قلت..ايوه
فعلا انا عايزة اعرف
اشمعني انا الي اختاروني عشان ...بيعملوا معايا كده؟
رد عبد القادر
وقالي...
عارفة العفاريت الي كان وشة مشوة ؟
كان عفريت مين؟
قلت...مين؟
قال... جوزك مسعود
والعفريتة الي كان وشها مشوة
كانت عفريتة
( سلفتك) الخاينة
وواضح انهم بينتقموا منك
عشان...
انتي الي اتسببتي في موتهم محروقين...
و عفريت مسعود هو الي قصد انه يعاشرك وانتي نايمة...
عشان يحدد اقامتك في المكان ده
وتبقي في عصمتة للابد
ويقدر يعذب فيكي زي ما هو عايز
اصل في شرعنا الي بتخالف جوزها بتموت فورا
قلت...يلهوي...
الي انت بتقولة ده لو حقيقي
يبقي انا في كارثة حقيقية
وفكرت شوية
ورجعت قولتلة
امال ازاي من شوية
كنت بتقولي..اني لو عرفت الحقيقة
هتتحل كل مشاكلي؟
دنتا كده سودت الدنيا في عنيا اكتر
فا رد عبد القادر
وقالي...اسمعيني للاخر
وانتي هتفهمي
قلت...قول
قال..كل الي حصلك
انا عرفت بيه العشيرة بتاعتنا
وهما غضبوا علي العفريت
مسعود وعشقيتة
الي انتي شوفتيهم
وطالما العشيرة غضبوا عليهم يبقي هما الي هيخلصوكي منه هو واتباعة
المهم انك تنالي رضا العشيرة بتاعتنا
وبالنسبة لحل مشكلة الفضيحة الي عملتهالك بسنت
فا سهلة
لانك انتي غايب عنك حقيقة مهمة جدا
وهي...ان عفريت الشخص الي اسمة مسعود
مش غريب عنك
لان مسعود اصلا كان جوزك
ومن فترة قريبة كنتي علي زمتة ....
قلت...ايوه
انا لسة تقريبا في شهور العدة
قال...تمام
وقسيمة الجواز الي معاكي تشهد
بانك متزوجة علي سنة الله ورسولة
يعني تقدري تقولي للجميع ..
ان الحمل من مسعود طليقك
والكل ساعتها هيصدقك
قلت...ايوه بس مستحيل الحمل يكون من مسعود
لانة كان راجل عقيم ومش بيخلف
رد عبد القادر
وقال...انتي قوليلهم كده وخلاص
ومحدش هيقدر يسال مسعود
لان مسعود مات
وبكدة مش هيبقي فيه فضيحة ولا حاجة
بالعكس... دنتي هتقدري تطالبي بتعويض من كل شخص ظلمك وخاض في عرضك
ومش كده وبس
دنا كمان هساعدك
وخليكي تشوفي حقك وهو بيرجعلك
ادام عنيكي
من بسنت الي ظلمتك
ومد عبد القادر ايده ناحيتي
بورقة صغيرة
تشبة باكت الشاي الفتلة
ولقيتة بيقولي..
خدي الحجاب ده...
واغمسية في الشاي...
او اي مشروب بتشربة بسنت
ولما هتشرب من الشاي
الشر الي في بطنها هبطلع علي دماغها
وحقك هيرجع ثالث ومثلث
فا بصيتلة بغضب
وقلت...لا لا لا يا عم
انا مليش في حوار الاعمال والكلام الفارغ ده
وبعدين موضوع الاعمال ده حرام اصلا
فا بصلي عبد القادر...
وقالي...
عموما خلي الحجاب معاكي
لوقت ازمة
لربما تحتاجية
وميل عبد القادر
وحط الحجاب علي التسريحة الي جنب السرير
المهم...
بعدما سمعت كلام عبد القادر
عن اقتراح اني انسب الحمل لمسعود طليقي
فكرت شوية
ولقيتة كلام معقول
ورجعت اسالة
قلت...لكن انت متاكد
ان العشيرة بتاعتك هتقدر تساعدني...
وتخلصني من عفريت مسعود للابد؟
فا رد عبد القادر
وقال...ايوه بس بشرط
قلت..شرط اية؟
قال...لازم تنالي الرضا من عشيرتي
عشان يساعدوكي
قلت..وانال رضاهم ازاي
قال...
هقولك بعدين
لان الباشمهندس الي انتي بتشتغلي عنده
رجع من الشغل
وانا لازم اختفي دلوقتي
عشان مجبلكيش الكلام تاني
و بعدما سابني عبد القادر واختفي
سمعت فعلا
مفتاح الباشمهندس بيلف في كالون الباب
وفضلت منتظرة انه يخبط علي الاوضة عندي
عشان يطمن عليا كا العادة
لكن للاسف...
من يوم ما عرف بقصة الحمل
الي في بطني
وهو مش طايق يبص في وشي
المهم...
فضلت طول الليل افكر
في كلام عبد القادر
لغاية ما نمت
والصبح ....صحيت علي صوت الجرس
ورزع علي الباب
ولما الباشمهندس فتح...
لقيت سكان العمارة لامين نفسهم ...
ونازلين لشقة الباشمهندس
وبيتكلموا وهما متعصبين
وكان علي راسهم بسنت طبعا
وفهمت انهم جايين يطالبوا الباشمهندس
بطرد الخدامة الي هتلوث سمعة العمارة
وفضلت اسمع بودني الشتيمة و
سبهم ليا
وخوضهم في عرضي
وسمعت اصواتهم العالية..
الي كنت بترعبني
لدرجة اني حسيت اني دوخت
وقربت يغمي عليا
فا دخلت بسرعة حطيت علي راسي مية
عشان افوق
وبمجرد ما المية جت علي الحجاب
الي في صدري
لقيت قادرة قدامي كا العادة
واقفة بتوبخني
وبتقولي...
جري ايه يا ضعيفة يا... عويلة
انتي ازاي ساكتة
علي الناس الي بيخوضوا في عرضك بره دول؟
وازاي ساكتة علي العقربة بنت خالتك؟
قلت..
منا مقدرش اتكلم يا قادرة
عشان...
وقبل ما اكمل كلامي
صرخت فيا قادرة
وقالتلي..
وانتي من امتي بتقدري علي حماية نفسك يا جبانة ؟
ولقيتها بتزقني ادامها
وبتقولي..
روحي بسرعة
هاتي شنطتك الي فيها الاوراق بتاعتك يا خايبة
واخلصي خليني اخرجلهم
قلت...حاضر
وفعلا دخلت وجيبتلها شنطتي
ووقفت اتفرج عليها من بعيد
عشان اشوف هتعمل ايه
ولقيتها..اخدت عقد الجواز الشرعي بتاعي
وخرجتلهم...
وبجرد ما صرخت قادرة في الجميع
الكل سكت
وفي اللحظة دي
بصت للناس الي واقفين
وقالتلهم...
ياجماعة انتوا ظلمتوني
...وسمعتوا لواحدة كدابة ..
بدون ما تتبينوا ان كان كلامها صدق... ولا كدب؟
فا رد صاحب العمارة بالنيابة عن السكان
وسال قادرة
وقالها...
تنكري انك حامل؟
فا ردت قادرة
وقالت...لا طبعا منكرش
لاني حامل من جوزي
الي اتجوزتة
علي سنة الله ورسولة
فا بصلها صاحب العمارة
وقالها..
عندك دليل علي كلامك ده؟
قالت..طبعا عندي
ومدتلة ايدها بالعقد الشرعي وقدمتهولة
فا بص اصاحب العمارة علي عقد الجواز
وبعدين بص لبسنت
وقالها..
ده فعلا عقد جواز شرعي ورسمي...
امال ايه الكلام الي انتي كنتي بتقولية لينا ده؟
وفي اللحظة دي
التفت شهاب بية لزوجتة بسنت
وقالها بسخرية
ايه رايك في الكسفة الي اتكسفتيها ادام الناس
الي انتي لمتيهم بنفسك؟
فا اتوترت بسنت
وقالت...
انا مش بتكلم عن الحمل...
انا بتكلم عن علاقتها المشينة بالراجل
الي انا... وانت شوفناها معاه علي السلم ...وهي عريانة
فا بصلها شهاب بيه
وقال...
وانا قولت قبل كده
ان ده محصلش
وانا مشوفتش حاجة
وفي اللحظة دي
صرخت قادرة في الجميع
وقالت..اظن دلوقتي ظهرت برائتي ادامكم؟
ومن حقي بقي انكم تسمعوني
عشان افهمكم بسنت بتعمل معايا كده لية؟
وليه عايزة تطردني من العمارة
فا سكت الجميع
وكان باين انهم عايزين يسمعوا قادرة المسكينة ...
الي اتظلمت
وفعلا بدات قادرة تتكلم
وقالتلهم...
بسنت تبقي بنت خالتي
ولما حصلتلي مشاكل مع جوزي وجيت من البلد
وقولت اعيش في بيت خالتي
بسنت كانت بتستعر مني
ومرضيتش تعترف بقرابتي
ليها
ورفضت اني اعيش عندهم
وحتي جوزها ...معرفتوش اني بنت خالتها...
وكانت عايزة تخلص مني باي شكل
والي زاد من حقدها عليا
لما انا عرفت بطريق الصدفة
انها مريضة نفسيا.... ومرضها خطير
لانها ممكن تاذي الي حواليها...
لما بتبقي اعصابها هايجة
ولما بسنت خافت لافضح امرها...
واقول للناس عن مرضها
قررت تجتمع بسكان العمارة
وتلوث سمعتي عندكم
عشان تيجوا وتطردوني
زي منتوا عاملين دلوقتي بالظبط
وفي اللخظة دي
بص صاحب العمارة لخالتي
وسالها..
وقال..هي صابرين تبقي بنت اختك فعلا؟
فا هزت خالتي راسها بحزن
وقالت..ايوه
صابرين تبقي بنت اختي فعلا
وانا بعتذرلها عن الي بسنت عملتة فيها
فا صرخت قادرة في خالتي
وقالتلها...
وانا مش قابلة اعتذارك يا خالتي
ومن بكرة...
هرفع علي بنتك قضية سب... وقذف
وهجيب سكان العمارة كلهم يشهدوا معايا
وبعدما قادرة خلصت كلامها
ردت بسنت بعصبية
وقالت...
البت دي مش هتفضل في العمارة هنا مهما حصل
فا رد صاحب العمارة
وهو بيوجة الكلام لخالتي
وقال...هدي بنتك يا مدام ناني
لان واضح
ان اعصابها تعبانة فعلا
وانا مش عايز شوشرة
وكفاية فضايح في العمارة لحد كده
وبعدها ...
بصلي صاحب العمارة
وقالي...
انا بعتذرلك يا صابرين بالنيابة عن سكان العمارة
لاننا صددقنا كلام بنت خالتك بدون ما نتاكد
وبعتذر لك كمان
يا باشمهندس علي اقتحامنا لبيتك.... وخصوصيتك
فا هز الباشمهندس راسة
وبعدها
وجه كلامة لخالتي
وقال...انا بس عايز اقولك
ان دي اخر مره هصفح فيها عن بنتك...لجل خاطرك
وبعد كده
لو حصل منها اي حاجة تاني
انا مش هعمل خاطر لحد
وسابهم الباشمهندس ودخل
وكانت قادرة هتدخل هي كمان
لولا ان صاحب البيت
اتوسط بينها وبين خالتي... وبنت خالتي
عشان يحل المشاكل الي بينهم...
ويصالحهم علي بعض
والغريبة
اني لقيت قادرة مستجيبة ...
وفي منتهي الهدوء
علي غير العادة
ومش كده وبس
دي وافقت كمان علي الصلح
ولما خالتي طلبت منها
انها تدخل تاخد معاها الشاي هي وبسنت
وافقت قادرة بمنتهي الرضا
لكن قبل ما قادرة تروح لشقة خالتي
دخلت استاذنت من الباشمهندس
وبالمرة اخدت الحجاب
الي جابهولي عبد القادر
وفي اللخظة دي
انا فهمت ان قادرة ناوية تعمل مصيبة
فا روحت وراها بسرعة
عشان امنعها عن اذية الناس
لكن...علي ما وصلت
لقيت قادرة في المطبخ
وواضح انها هي الي...
طلبت تعمل الشاي بنفسها
وبعدما عملتة...
قدمتة لخالتي وبنتها
وبعدما بسنت شربت الشاي
استاذنت قادرة
ورجعت لشقة الباشمهندس
ولما بقينا انا وقادرة لوحدنا
سالتها
وقلتلها...
انتي حطيتي الحجاب الي جابهولي عبد القادر
في الشاي
بتاع بسنت صح؟
قالت...ايوه حطيتهولها في الشاي
عندك اعتراض؟
قلت..ايوه طبعا عندي
الاعمال دي حرام
وممكن تاذي الناس فعلا
فا بصتلي قادرة بغيظ
وقالتلي...
اتلمي يا بت بدل ما اجيبك من شعرك...
واعمليلك قافلة
حرام ايه يا ام حرام؟
الحرام هو ...انك تسكتي علي الظلم الي بتتعرضيلوا
وتسيبي واحدة لئيمة زي بسنت تشردك
... وتخوض في عرضك
وبعد شوية ...
بصتلي قادرة بحيرة
وقالتلي...
وبعدين انتي قلقانة من اية
يا موكوسة؟
ما الدنيا هادية اهية
يعني البت محصلهاش حاجة
يكونش يختي الحجاب مفعولة انتهي؟
وزغدتني قادرة في جنبي
وقالتلي...
ادعي معايا يا صابرين الحجاب مفعولة يشتغل
فا قلتلها...
طيب سؤال
تقدري تقوليلي لو الحجاب مفعولة اشتغل
وبسنت ماتت دلوقتي ؟
ولا حصلها حاجة هنعمل ايه؟
ردت قادرة
وقالت
وانتي فاكرة لو بنت خالتنا ماتت لا قدر الله ولا حصلها حاجة احنا هنسكت؟
قلت...امال هنعمل ايه
فا ردت ببرود
وقالتلي..
هنعمل حمص الشام
قلت..يخررررابي
انتي عايزة تجننيني؟
واتحايلت علي قادرة
وقلتلها...
روحي بسرعة يا قادرة
ابطلي مفعول الحجاب
قبل ما بنت خالتك يحصلها حاجة
فا ردت قادرة
وقالتلي..اتكتمي ياجذمة
خليني اشوف بنت الورمة
هيحصلها ايه؟
قلت...
يا بنتي خلاص الموضوع خلص والسكان اعتذرولنا
عايزة منها ايه تاني ؟
وقبل ما قادرة ترد عليا
سمعنا خالتي بتصرخ
وبعدها سمعنا صوت جلبة ... وناس كتير علي السلم
وفضلت قادرة تضحك
وهي بتتابع الي بيحصل من العين السحرية
وبعدين لقيتها
بتقولي ..
تعالي شوفي بنت خالتك بتعمل ايه؟
فا زقيت قادرة
و بصيت بسرعة من العين السحرية
وشوفت بسنت وهي قالعة عريانة كما ولدتها امها
وكانت عايزة تخرج الشارع وهي بتزغرط
وكان شكلها عامل زي المجنونة
فا خالتي استغاثت بالجيران
عشان يمنعوها من الخروج بره العمارة
وفعلا شوفتهم وهما بيمنعوها من النزول
بيحاولوا يستروها
وبسرعة خرجت قادرة وراحت تتفرج علي بسنت
وسمعت قادرة بتقول للجيران
اتاكدتم دلوقتي ان جنانها خطر؟
و لازم تروح العباسية ؟
وبعدها ....
رجعت قادرة علي الشقة عندي... وقفلت الباب
و فضلت تضحك بهستيريا
وتقولي...اية رايك؟
اهو الجيران اتاكدوا ان بنت خالتك منخوليا ...
ومجنونة رسمي
بزمتك مش استاهل تعزميني علي حمص الشام بقي؟
وفي اللحظة دي
بصيت لقادرة بغضب
وقلتلها..
انا متاكدة ان الي بيحصل
لبسنت دلوقتي
بسبب الحجاب
يعني انتي
الي اتسببتي لبنت خالتك في الفضايح
الي حاصلة بره دي
فا برقتلي قادرة
وقالتلي...
انتي تخرسي خالص
وانا حرة اعمل الي اعملة
فا رديت عليها بغضب
وقلت..
الاعمال حرام
واحنا كدة ارتكبنا ذنب كبير
فا ردت عليا
وقالتلي
هتفضلي طول عمرك جبانة يا صابرين
فا اتغظت منها
وقلتلها
امشي يا قادرة من وشي
ربنا يكفيني شرك
وفعلا مشيت قادرة
وقعدت انا لوحدي استغفر ربنا
واطلب منه
انة يسامحني انا... وقادرة
وبعد ما اختفت قادرة
رجعت اعيش حياتي عادي تاني
وكنت فاكرة
ان الموضوع خلص علي كده
وبسنت شالتني من دماغها
لكن بعد كام يوم
وانا في شقة الباشمهندس
لقيت حد بيرن الجرس
ولما فتحت...
لقيت ادامي خالتي
وبنتها بسنت
فا سالتها؟
قلت..في حاجة يا خالتي؟
قالت...ايوه
في عندي ضيوف عايزين يشوفوكي
قلت...ضيوف مين؟
قالت...
تعالي معايا قابليهم وانتي تعرفي
فا استغربت وروحت معاها لشقتها
واول ما دخلت معاها الشقة
وشوفت الضيوف
كنت هقع من الصدمة
عارفين ضيوف خالتي طلعوا مين؟
مسعود طليقي...
ومعاه ياسين اخويا
وكان مسعود وجهة فيه شوية حروق
عشان كده كان مغطي وشة بكوفية
ولقيتني اتلخبطت ومبقتش فاهمة حاجة
ازاي مسعود لسة عايش
ولما هو عايش ؟
امال اية روايةالعفاريت
الي قالهالي عبد القادر دي؟
و في وسط الحيرة و الزهول الي كنت فيه
بصيت لمسعود بدهشة
وسالتة
وقلت...مسعود ؟
انت لسة عايش؟
اقصد يعني انت نجيت من النار ازاي؟
فا لقيت مسعود
بيكلمني بتكشيرة وشة كا العادة
وقالي..
سيبك من الكلام ده دلوقتي
وخلينا في المفيد
وقوليلي ..
اية موضوع الحمل ده؟
انتي بجد طلعتي حامل مني؟
قلت...ومين الي قالك علي
موضوع الحمل؟
فا رد ياسين اخويا
وقالي....خالتك اتصلت بيا وقالتلي علي الخبر
وطلبت مني اني اجيب مسعود واجي
وفي اللحظة دي..
سمعت بسنت بتقولهم
امي جايباكم دلوقتي عشان تلموا عرضكم
وقربت بسنت من مسعود
وقالتلة...
صابرين كانت بتشتغل عند راجل عازب
وياما اترمت في الشوارع...
واختلطت برجالة كتير
عشان كدة
قبل ما تفرح بالحمل الي في بطنها
اعملها تحليل..دي ..ان... اية
عشان تتاكد الاول
ان كان الي في بطنها ابنك ولا لا؟
وفي اللحظة دي
بصلي مسعود
وقالي..ايوه بنت خالتك عندها حق
انا لازم اعمل التحليل
عشان اتاكد
ان كان الي في بطنك ابني
ولا لا؟
ولو الواد طلع ابني هردك لعصمتي
اما بقي لو طلع مش ابني
فا انتي متلزمنيش
وفي اللحظة دي
رد ياسين اخويا
وقالي...
لو الي في بطنك مطلعش ابن مسعود
تبقي كتبتي نهايتك بايدك
و الموت هيبقي اولي بيكي
ووقفوا الجميع علي دماغى
وطلبوا مني اعمل التحليل
وفعلا...اخدوا مني العينة
ورجعوني للحيرة والقلق وانا في انتظار النتيجة تاني
والمشكلة ان المرة دي
انا كنت متاكدة ان النتيجة مش هتبقي في صالحي
لان بالمنطق كدة
طالما مسعود طليقي عايش...
يبقي مفيش له عفاريت
والحمل هيبقي من الراجل المشوة الي اغتصبني
في شقة الباشمهندس
ده غير اني كنت متاكدة ان مسعود راجل عقيم
يعني انا كدة ضايعة... ضايعة
وفضلت في دوامة وانا قاعدة ومنتظرة نتيجة التحليل
وشبح الفضيحة..والموت بيروح ويجي ادام عنيا
وفضلت علي ده الحال
لغاية ...
ما الدكتور جاب نتيجة التحليل
وبداء يقرائها علينا
وقال...فيما معناه.......؟
عارفة اني تعبتكم معايا معلش
بس عارفين نتيجة التحليل
كانت اية......؟
لو عايز باقي احداث الرواية...صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة...
حنان حسن
بالله عليكي بارت كمان النهارده بليييييييز
ردحذفاحلي كتابه كملي باقي القصه بجد روعه
ردحذفياريت بارت تاني بليز
ردحذفمعقدة جدا
ردحذفعايزين نعرف الجنين ابن مين
ردحذفاللهم صل وسلم وبارك على سيدنا محمد
ردحذفبرافو ممتعه
ردحذفجميله اوي اوي
ردحذفالبارت اللي بعده بليييييز
ردحذفاللهم صل وسلم على نبينا محمد وعلى آله وصحبه أجمعين وسلم تسليما كثيرا
ردحذفجميله ألبرت الجديد
ردحذف